12/07/2012 வியாழன் அன்று டி இ டி தேர்வு - பள்ளிகளுக்கு விடுமுறை

தமிழகத்தில் ஜூலை 12ம் தேதி, ஆசிரியர் தகுதித் தேர்வு நடைபெற உள்ளது. அன்றைய தினம் சி.பி.எஸ்.இ., பள்ளி உட்பட அனைத்து பள்ளிகளுக்கும், விடுமுறை அளிக்கப்பட்டுள்ளதாக தெரிகிறது. கட்டாயக் கல்வி உரிமைச் சட்டத்தின் படி, ஆசிரியர் பணியில் சேர உள்ள ஒன்றாம் வகுப்பு முதல் 8ம் வகுப்பு வரையிலான இடைநிலை மற்றும் பட்டதாரி ஆசிரியர்கள், ஆசிரியர் தகுதித் தேர்வை எழுதி தேர்ச்சி பெற வேண்டும். இதற்கான தகுதித் தேர்வு, வரும், ஜூலை 12ம் தேதி, 1,040 மையங்களில் நடக்கிறது. இதில் ஏறத்தாழ 6 லட்சத்து 56 ஆயிரம் பேர் எழுத உள்ளனர். சனி, ஞாயிறு போன்ற விடுமுறை நாட்களில் பொதுவாக போட்டித் தேர்வுகள் நடைபெறும். இந்த நாட்களில், மற்ற போட்டித் தேர்வுகள் நடைபெற இருப்பதால், வேறு வழியில்லாமல் வியாழக்கிழமை நடைபெறுகிறது. இதற்காக அன்று ஒருநாள், சி.பி.எஸ்.இ., உட்பட அனைத்து பள்ளிகளுக்கும், விடுமுறை அளித்து உத்தரவிட இருப்பதாக தெரிகிறது. இதற்கு பதிலாக, வேறொரு நாளில் இந்த வேலை நாள் ஈடு செய்யப்படலாம்.